禾高起清敵軍底

猪拉多纳

22/02/2012


瑞士巴素利同德國球隊關係密切，亦都對今場對手拜仁相當熟悉。教練禾高於九八至○七年就喺拜仁擔任青年軍導師，拜仁好幾位主力成員包括湯馬士梅拿、拿姆、畢斯杜巴、卻奧斯及迪亞高干坦圖等都係佢嘅門生，相信有助巴素利制訂有效戰術。




巴素利亦有好多球員曾喺德甲効力，中場曉高曾効力法蘭克福、馬高史達拿踢過史特加及科隆、阿歷山大費爾以前係多蒙特球員，含有濃烈嘅日耳曼味道，球員及教練又對拜仁相當熟悉，可望與拜仁抗爭到底。