老闆閂「水」喉黃金聯有排愁

猪拉多纳

22/02/2012
文： 自由恒

黃金海岸聯喺2009年加入澳職時，由於有昆士蘭首席富豪帕爾默撐腰，首季參賽就取得第3名，奈何澳洲足球始終唔能夠搵大錢，帕爾默近年已經閂水喉，同時間仲得罪埋球迷同聯賽會，相信遲早會與同季加入嘅北昆士蘭風暴一樣，落得散班下場。




帕爾默為咗慳錢，一意孤行只開放球場西看台，令入座率不斷創新低，今午迎戰中岸水手，都唔見得有主場威力。近排呢位老哥又向聯賽會開火，面臨被吊銷牌照，兩日前又炒埋教練比利貝治，難怪「黃金聯」近6場聯賽只取得1和5負，不過帕爾默仍然堅拒賣盤，相信劣績會延續落去。


中岸水手新仔有料到


中岸水手之前放走首席射手麥西蒙之後，曾經陷入低潮，好彩近期終於搵到新仔羅積頂上，呢位19歲小將近兩場聯賽都有波入，唔難射死近期要搵青年軍撐場嘅「黃金聯」，不妨直取2.6倍「讓球客勝」。（開賽時間：周三下午5:00）