大衞比沙路起靚個頭

猪拉多纳

25/02/2012


大衞比沙路成曼城爭英超奇兵！曼城上仗於歐霸盃三十二強次回合大炒波圖，智利中場大衞比沙路後備落場交出士哥及助攻各一，表現光芒四射，此子話喺曼城生活愉快，主帥文仙尼話明未來兩個月會重用佢，睇嚟有望博到一紙長約喎！


文仙尼：爭標奇兵


大衞比沙路於冬季轉會窗結束前由羅馬以借將身份加盟曼城，上仗於歐霸盃後備落場十分鐘贏盡球迷歡心，佢亦好享受為球隊上陣：「真係好開心，隊友個個都歡迎我，班fans又熱情，我希望可以為球隊作出貢獻。」




曼城主帥文仙尼滿意大衞比沙路表現，仲話佢係爭標重要棋子：「佢係高質球員，未來兩個月可以幫到手，球隊有佢如虎添翼。」大衞比沙路起步順利，曼城都想正式簽佢，羅馬強調雙方未傾掂數，但若然價錢合理會放人。