蘭斯無敵主場炸色當

猪拉多纳

27/02/2012
文： ComboKing

今日主力同大家研究一場法乙聯賽，蘭斯主場鬥色當。蘭斯本季演出好正氣，應贏則贏成賭客恩物，主場戰績更犀飛利，十場聯賽九勝一和所向披靡。色當雖然實力不俗，但出售大將洛杜亞後，後防周時發夢，蘭斯新敗回歸主場必去盡，小讓平半好路。




（周二凌晨3時30分開賽）




色當係實力分子，但將洛杜亞賣畀羅連安特後，一條後防線頓失重心，上仗完場前被特魯瓦攻破大門，主場都要輸一比二，反映呢班波信心不足，教練古約特畀班球員激到紮紮跳。蘭斯上仗作客僅敗○比一予榜首巴斯蒂亞，但實際演出不弱，今仗有無敵主場優勢撐住，色當唔係佢哋對手，捧上盤。




另外睇埋兩場荷乙，FC燕豪芬主場鬥鹿特丹斯巴達，主隊近期將聯賽次席位置拱手相讓予斯巴達，今次主場出擊兼有射手馬基亞華拉復出攻堅，同對手肯定鬥得燦爛，捧大。雲登主場對禾寧丹，雲登雖已連續十四仗不勝，但球隊入得又失得，本季聯賽八成二場次開大，今仗續追！