日本超級盃東京「+1」啱素

猪拉多纳

03/03/2012
文： 蘇豪

日職即將回歸，日本超級盃今午先於東京國立競技場上演，由上季日職王者柏雷素爾決戰天皇盃冠軍FC東京。柏軍牌面高啲，但近八屆日超盃只得一支聯賽冠軍隊於法定時間贏到，佢哋踢聯賽就也文也武，踢一場過盃賽未必夠東京嚟，蘇豪要受讓嘅東京「讓球客勝」！




（周六下午12時35分開賽，馬會網上文字直播）


柏雷素爾未撻着


日職話咁快又打到嚟，柏雷素爾上季創造歷史以升班球隊身份爆冷奪取聯賽冠軍，新季留住李安度杜明基斯、佐治韋拿及田中順也等主力，再加入列卡度盧保及那須大亮等優質新兵，實力有增無減。不過，柏軍早前約戰日乙球隊千葉市原拍跳強陣小勝，反映球隊仲未完全撻着，讓波要唔過。




FC東京上季以超班姿態奪取日乙冠軍升班，同時於天皇盃封王，成為雙料冠軍，主力盧卡斯施維連奴、石川直宏及德永悠平等具備日職級數，新季雖有防線重心今野泰幸轉投大阪飛腳，但會方同時由橫濱水手簽下優質箭頭渡邊千真，前線調動空間更大。




FC東京上季奪取天皇盃，顯示大軍擅踢盃賽，而且過去八屆日超盃，八支天皇盃冠軍隊有七隊於法定時間內保持不敗，其中五隊最終捧盃，東京具備奪冠條件，受讓有計！