阿仙奴憤怒鳥大反擊

猪拉多纳

06/03/2012
文： 蘇豪

歐聯十六強次回合英意對決，阿仙奴回師主場迎戰AC米蘭。兵工廠首回合作客淨吞四蛋，主帥雲格乜面都冇晒，今場化身「憤怒鳥」，豪言派六個前鋒喪攻爭取士哥，但面對AC高效反擊，防線必嚴重受壓，今戰入球唔慌少，捧大！




（有線61及201台周三凌晨3時45分直播）




阿仙奴首回合作客聖西路潰敗，今次返到主場當然希望挽回面子，主帥雲格表明會以全攻型打法博一博，預期謝雲奴及阿歷士張伯倫等攻擊球員都有機會落場搏殺。兵工廠前面最緊要有尹佩斯在陣，呢位荷蘭前鋒上場對利物浦包辦兩個士哥，把握力極高，今場若然踢得順，絕對有能力數胡。


伊巴謙莫域弗爆搶士哥


不過，阿仙奴後防傷兵問題嚴重，中堅梅迪薩卡、史基拿斯、佐羅及左閘安德里山度士均需養傷，另一左閘基蘭基比斯上仗對紅軍亦勇戰受傷，今場隨時要搵小將贊堅臣串演左閘，此子經驗尚淺，而且甩漏甚多，完全信唔過。兵工廠上次畀ＡＣ快速反擊打殘，今次又被迫焗攻，隨時再次連番失守。




ＡＣ米蘭射手伊巴謙莫域首回合對阿仙奴大門表現光芒四射，上場聯賽對巴勒莫又大演帽子戲法，信心爆棚，要再射破阿仙奴唔難。ＡＣ曾於03/04球季歐聯八強被拉科魯尼亞大逆轉，今次絕對唔敢放鬆，預計兩隊會炮製唔少士哥，入球大屬投X首選。