米堡有計爭升班

猪拉多纳

06/03/2012
文： Samvo肥叔

英冠前列形勢緊湊，升班附加賽席位爭崩頭，其中米杜士堡近期氣勢甚強，今輪主場對下游分子班士利係搶分良機，現時要讓半一至一球，個盤相當硬淨，絕對值得留意！




（周三凌晨3時45分開賽）


修咸頓回勇主場追大


米杜士堡曾幾何時於英超企穩陣腳，降落英冠後浮沉多時，今季已經稍有起色，目前位處升班附加賽區，只要嚟緊呢段時間保持穩定發揮，有機會爭取重返英超。米堡近期連場贏波，個勢都幾好，呢隊波整體評級唔低，假若踢出水準，絕對係英冠實力分子，今次對住下游球隊班士利，級數遠勝對手，預期可以順利贏波。




睇多場英冠，修咸頓主場對葉士域治，捧大！修咸頓早前曾經陷入低潮，但最近全面復勇，朝住升班目標進發，佢哋今季表現平穩，相信好有機會直接升班。不過，葉士域治出名係神經刀，呢班波攻力強勁，前線侵略性高，隨時嚇你一驚，計來計去，肥叔認為呢場會有唔少士哥，最好玩大盤。




同日英足盃車路士作客伯明翰，車仔眾星終於逼走少帥保亞斯，呢個領隊本身有料，今次畀球員夾埋拆招牌真陰功，依家一眾大牌球星心願達成，會認真打番場好波，作客亦可秤先。


肥叔心水


阿仙奴：大

賓菲加：上盤

車路士：上盤

米杜士堡：上盤

修咸頓：大