熱刺衰夠 打保定驚

猪拉多纳

17/03/2012
文： 麥馬拿仁

英足盃另一場八強賽事，熱刺主場可劏保頓。熱刺聯賽雖三連敗，但實際表現冇大跌watt，現需要一場大勝振奮軍心，相信領隊夏利列納會出強陣應戰。保頓主帥奧雲高尼講到明熱刺係奪標大熱，而且護級先係保頓首要目標，今仗搏極有限，捧熱刺「讓球主勝」！（now 671及672周日凌晨1時30分直播）




熱刺近五戰僅一勝，最大鑊係英超三連敗，依家畀同市死敵阿仙奴追到僅差一分，亦只多第五車路士四分，再唔振作不但頭三不保，分分鐘連歐聯席位都跌埋。但睇番該三場敗仗，兩場係輸畀曼聯同阿仙奴，實際演出唔算太差，領隊夏利叔唔係傻仔，深明目前最重要係打番起個勢，而絕非於此階段留力；而且佢老人家肯定識計數，目前八強對手只得車路士同利物浦較強，熱刺絕對有捧盃機會，加上仲要主場出擊，必定想贏。


保頓留力護級


保頓上仗雖擊敗昆士柏流浪，但唔好有任何憧憬，佢哋全場均處於下風，加上昆軍頭槌入波又當唔算，贏來毫無說服力。目前保頓仍深陷降班漩渦，奧帥今戰收起主力合情合理，捧熱刺「讓球主勝」。