馬拉加作客大反擊

猪拉多纳

18/03/2012
文： 法達斯維

今晚西甲尾場係榜首皇家馬德里主場迎戰馬拉加。前皇馬教練比歷連尼領軍倒戈，復仇之心昭然若揭，皇馬坐鎮無敵主場，勢必同對手鬥攻，今仗相信都係一場入球騷，捧入球大！（now 632周一凌晨4時30分直播）


比歷連尼有「智利工程師」之稱，在維拉利爾搞到有聲有色，因此獲皇馬垂青過檔執教，點知教慣中型班的比帥，畀皇馬班球星搞到陀陀擰，最後喺佢帶領下皇馬入逾百球、但僅得亞軍而黯然下台。


上季季中，比歷連尼接手馬拉加，曾被皇馬領隊莫連奴暗寸：「就算我離開皇馬，都唔會教馬拉加呢類球隊。」呢番言論很傷比歷連尼自尊心，今次再度碰頭，佢定必使出渾身解數，威番一次畀莫連奴睇，證明自己的價值。

皇馬球星個個fit

皇馬今季主場有幾勁唔使多講，雖然「助攻王」迪馬利亞仍因傷避戰，但皇馬已習慣沒有「天使之翼」的日子。莫連奴近期重新「激活」卡卡，由呢位巴西球星同奧斯爾、C朗、希古恩組成的攻擊線表現絲絲入扣，加上賓施馬傷愈復出，皇馬的攻力毋庸置疑。今場馬會開出大細中位數為3.5球都冇有怕，一於照捧1.75倍入球大。