卡坦尼亞上盤有靠山

猪拉多纳

18/03/2012
文： 巨高

意甲球隊卡坦尼亞，可謂今季其中一支最有驚喜球隊，過往幾季卡坦尼亞都要護級，經常見到佢哋喺積分榜下游苦苦掙扎。但今季佢哋好快就上到積分榜前十，某程度上已不愁降班威脅，難怪球迷及管理層對教練蒙迪拿咁信任。今輪聯賽卡坦尼亞主場對拉素，以卡隊近期良好走勢，當然有力殺退拉素。更重要係卡坦尼亞由拉素剋星蒙迪拿帶兵，勢必增添勝算。今場主讓平半必揀上盤。（now 633及660周日晚10時直播）

誓幫舊主羅馬復仇

蒙迪拿嘅職業生涯，大部分都喺羅馬度過，連同球員、青年軍導師及看守教練等職位，蒙帥効力羅馬接近十年時間，故此對宿敵拉素恨之入骨。而見到拉素今季成績咁好，仲有機會爭取來季歐聯參賽資格，蒙迪拿當然睇唔順眼。再加上今季兩場首都打吡都係由拉素勝出，蒙迪拿更要幫母會羅馬復仇。


其實上季蒙迪拿擔任羅馬看守教練時，曾經帶領隊球喺首都打吡贏過拉素。而早喺○二年三月舉行嘅首都打吡，蒙迪拿就曾以羅馬球員身份，四度攻破拉素大門。蒙迪拿已成為現今拉素頭號剋星，卡坦尼亞得蒙帥之助，贏面甚高。