文仙尼為飯碗同車仔死過

猪拉多纳

19/03/2012
文： 阿水

新一季中超開鑼已經踢咗兩周，單係星光熠熠嘅恒大，加埋簽入法國球星安歷卡嘅申花，已經吸引住唔少球迷目光。不過，有老友就搵阿水投訴，話除咗香港足智彩冇為中超開盤外，就連唔少外圍波網都冇得玩，認真掃興咁話。

中超多蠱惑 莊家唔敢掂

阿水搵過班國內大莊老友傾偈，佢哋話國內球壇複雜，一場波嘅勝負同球隊實力好多時都冇乜關係，反而係睇邊隊幕後牙力夠，又或者點樣幫到大莊賺錢。就因為戰果經常惹起質疑，今季中超就連波網莊家都唔敢沾手，依家就只有班超級大戶私下對賭，如果大家手痕，都係同自己老友賭吓牙骹算罷啦！


講番周中波，焦點梗係以逸待勞嘅曼城喺英超主場火併車路士。賽前有風吹出，話就算曼城今季冇冠軍，文仙尼都照樣保得住帥位，咪話阿水潑佢冷水，老細呢頭撐你，嗰頭變臉炒人有幾罕見先？之前「藍戰士」炒保亞斯咪又係一樣。文仙尼想保住個飯碗，英超係志在必得，周四凌晨佢哋對住車仔冇得保留，上盤讓夠一球夠狠我仲啱。至於紅軍作客昆士柏流浪，小心佢哋長短棍，要番主隊穩陣。