多蒙特細成騎虎

猪拉多纳

20/03/2012
文： Mic少

德國盃四強上演「一哥」對決，德乙榜首格雷特霍夫主場迎戰德甲榜首多蒙特，雖然兩隊「一哥」級數唔同，但今場屬於一戰定生死淘汰賽，格軍難得來到四強，肯定格外落力，以拚勁及地利彌補實力不足。多蒙特遇弱愈弱，而且唔重視德盃，不宜高估，客W1.53倍隨時踩地「雷」，寧揀1.95倍入球細。（無綫翡翠台周三凌晨3時30分直播）


格雷特霍夫氣勢勁


或者有人會睇小格雷特霍夫係乙組仔，但淘汰賽一場定生死，戰意往往比技術更重要，好似上屆乙組仔杜伊斯堡都打入決賽。格雷特霍夫正處於強勢，除在德乙聯賽獨佔鰲頭外，上兩圈德國盃同樣以一比○淘汰德甲紐倫堡及賀芬咸，預料佢哋會繼續施展穩守突擊戰術同多蒙特周旋。


多蒙特遇弱冇料到


多蒙特話就話係德甲榜首勁旅，但表現欠霸氣，尤其遇弱時更經常走樣，例如上月作客下游哈化柏林僅勝一比○，早前更被另一支護級分子奧格斯堡悶和○比○。另外，多蒙特近年喺德國盃戰績麻麻，史上只曾兩次捧盃，最近一次已經係八九年。




事實上，多蒙特現時首要目標係衞冕德甲，盃賽只屬次要，今場隨時收起部分主力，未必咬得入格雷特霍夫。除細盤外，2.3倍嘅格雷特霍夫「讓球主勝」亦可以考慮。




今仗法定時間打和，會加時三十分鐘，再和就互射十二碼決勝。