英超獨腳戲黑貓專咬布力般

猪拉多纳

20/03/2012
文： 安高

英超今晚有場獨腳戲，由布力般主場對新特蘭。雖然布力般上仗勇挫狼隊，不過佢哋已經有超過16個月未試過喺聯賽取得連捷，加上近年對「黑貓」例冇運行，平手盤梗係捧2.15倍新特蘭勝啦！（有線200及300周三凌晨4:00直播）


布力般年幾未試過連勝


布力般依家排喺聯賽榜第16位，高過護級安全線3分，雖然近況回升為主帥堅恩減壓，但講到底，佢哋實力有幾多，大家都心知肚明。安高睇番佢哋往績，原來對上一次喺聯賽取得2連勝，已經係2010年11月嘅事，咪忘記佢哋上輪贏完狼隊，今晚隨時現形，畀「黑貓」咬死。




新特蘭今仗雖有中場施斯隆及卡達莫繼續停賽，但創造力唔錯嘅基蘭李察臣有望趕及傷愈。「黑貓」自從換咗奧尼爾執教，踢法明顯更悅目更有效率，之前佢哋贏過利物浦同阿仙奴，實力唔嘢少，最重要係佢哋近5次對住布力般錄得3勝2和，擺明格食格，今仗應可以立不敗之地。