格蘭納達地頭發「維」

猪拉多纳

26/03/2012
文： 朱楓

今晚西甲上演獨腳戲，由CF格蘭納達主場對西維爾。兩軍季中齊齊換帥，不過格蘭納達改革後明顯更好，主場勝率升至75%，呢場足智彩開平手盤，朱楓睇好格蘭納達坐和望贏！（開賽時間：周二凌晨3:00）

西維爾莫財守將打柴

CF格蘭納達早前換咗前馬體會主帥列辛奴執教，表現大有好轉，上場作客巴塞僅輸3:5，都算係佢哋近期代表作。事實上，換咗列辛奴執教後，格蘭納達除咗火力大增，就連主場成績都勁咗好多，踢咗4場攞到3勝1負，輸波嗰場只係僅負華倫1球，地頭威力咁勁，即使中場卡路士馬田斯停賽，朱楓都覺得只係小問題。


相反，西維爾上月頭改由前皇馬名將米高領軍，但表現時好時壞，最慘係球會莫財，早排佢哋同一間熱狗商合作，將後備席改到成隻熱狗咁，連少少錢都唔放過，班球員唔擔心就勢係假。今戰佢哋有守將史柏希斯因傷上陣成疑，對住主場超硬淨嘅格蘭納達，唔係咁易搶到分！