馬體會無敵主場攞威

猪拉多纳

29/03/2012
文： Mic少

另一場八強首回合馬德里體育會主場對漢諾威，西甲馬體會今仗再入一球，歐洲賽累積入球就可以達到四百球，以佢哋今屆歐霸主場七連勝強勢，必力爭先拔頭籌兼締造歷史。不過德國球隊出名夠韌力，漢諾威亦唔會坐以待斃，有力取得作客入球，一於捧大盤。（有線62及202台周五凌晨3時05分直播）


馬體會話晒係09/10年度歐霸冠軍，對呢項賽事有一份執着，今屆演出亦不俗，尤其主場更七戰全勝。而且唔好忘記陣中擁有「歐霸射手王」法卡奧，佢上屆為波圖喺歐霸射入十七球破晒紀錄，今屆暫時有六球進帳，落後榜首亨特拉爾三球，餘下場數所餘無幾，法卡奧肯定落多幾錢肉緊，力求衞冕神射手寶座。

漢諾威「大」無畏

除法卡奧外，阿祖安盧比斯今屆亦已射入五球，兩人堪稱歐霸「夢幻組合」，亦要留意新星伊度亞度沙維奧，佢上圈對比錫達斯兩回合共射入三球，今仗隨時又會製造驚喜。至於漢諾威踢法亦進取，今屆歐霸六場作客有五場入波，可見佢哋作客唔會縮，大盤開出機會自然高。