惡客悉尼翻轉威靈頓

猪拉多纳

30/03/2012
文： 立民

經歷咗幾個月鬥爭，澳職常規賽終於落幕，中岸水手最後都能夠頂住布里斯班獅吼窮追，成為常規賽冠軍，穩定表現的確係聯賽致勝不二之法。反而較令人意外係成季都表現麻麻嘅FC悉尼，喺終極一戰，以三比二擊敗紐卡素噴射機，趕上季後賽尾班車。

季後賽爭標路崎嶇

以現今足球嚟講，澳職季後賽賽制確係相當複雜，就以今日晏晝進行嘅威靈頓鳳凰主場對FC悉尼為例，佢哋以一場過分勝負，勝出球隊之後仲要鬥珀斯光輝對墨爾本雄心嘅勝方，再之後要起碼過多兩關，先可以攞到總冠軍，真係崎嶇。


以常規賽第四名衝終點嘅威靈頓鳳凰，今場並唔易應付，由於對手FC悉尼近況唔錯，而且有幾個球員狀態真係冒起得幾快，當中包括速度高嘅後生仔祖爾捷安尼斯，加埋前鋒般奴卡薩連尼頭槌一向強勁，會帶畀主隊一定麻煩。


雖然鳳凰從來最強就係主場，但我估計戰情會比想像中緊湊，尤其FC悉尼已經三場作客冇輸過，對手包括中岸水手、墨爾本雄心同阿德萊德聯，我就睇中悉尼季尾發揮唔錯，而且今場讓球主客和「+1」，當然捧受讓嘅客隊啦。（有線64及204周五下午3時直播）