|
|
01/04/2012
文： 阿占
今季打住「爭入前四」口號嘅紐卡素同利物浦，今晚英超又再碰頭。依家各自形勢同佢哋原本預期嘅已經有好大出入。紐卡素要為下屆歐洲賽席位繼續努力，而排第7嘅利物浦就提早同歐聯講「拜拜」，家陣喺聯賽踢風流波！不過論近況同戰意，主場出擊嘅喜鵲明顯勝紅軍一籌，今場小弟決定撐1.63倍「讓球主勝」。（有線200、300周日晚8：30直播）
紐卡素火力強勁
紐卡素依家同第5位嘅車路士同得50分，不過得球唔及車仔所以「屈居其下」。以喜鵲近期回升嘅狀態，要搶番個歐洲賽資格都唔係冇可能。相反，由於利物浦同前四已經有成十幾分差距，佢哋本身又已經有聯賽盃在手，篤定下季有得踢歐霸盃，咁都唔使再靠聯賽去爭啲乜嘢啦，所以論戰意，紅軍肯定唔及紐卡素。
紐卡素近期回勇，好大原因係法國中場賓艾化大爆發，佢同季中加盟嘅柏比斯施斯合作，擔起成條鋒線，近3場5個入波都係由佢兩個包辦，再加件丹巴巴亞認真唔講得笑。雖然中堅高洛仙尼做咗「十字軍」，不過以紐卡素強勁嘅火力，足以彌補防線不足。
利物浦冇嘢爭揸流攤
利物浦近6場聯賽輸咗5場，以佢哋嘅富貴班底都交啲咁嘅成績，擺明就係揸流攤啦！賽前又傳出中場主將查理阿當重傷，要提早收咧，咁呢鋪紐卡素仲唔乘機打「落水狗」？
橫數千軍
喜鵲近戰旺開大
‧柏比斯施斯為紐卡素上陣僅6場已攻入5球，平均每場入0.83球。
‧近7場得3勝2和2負，其中5場開大。
紅軍近6戰4負
‧近6仗得2勝4負，其中5場開大。
‧近7場安祖卡路爾正選上陣賽事得5勝2和，卡路爾不在陣則得3和4負。
頂占筍盤：紐卡素（讓球主勝）
有線球彩台主持阿占‧電郵：soccer64@cabletv.com.hk
球彩群組：http://fb.com/icable64
PHONE波熱線：1831 678
「快樂星期天」開放時間：周日晚9：00至周一凌晨1：25
|
|
金睛卡
发表于 2012-4-1 08:52
变色卡
显身卡