柏圖列後備嚇巴塞

猪拉多纳

03/04/2012
文： Wendy

今晚我哋有線繼續直播歐聯八強次回合，巴塞隆拿主場對AC米蘭，呢場波就連我豬咁蠢都知道一定要半夜起身睇啦！首回合AC嘅穩守突擊戰術踢得好出色，但今晚巴塞返魯營一定進取，AC難保不失，所以呢場熱熱哋嘅入球大，就冇走雞！


AC後防今場會受到更大考驗，但好彩上周中受傷嘅老將尼斯達今晚仍可上陣，上次就係憑住佢老到經驗穩住後防，加上右閘阿比迪亦傷愈，後防人腳冇首回合咁緊絀。大家亦要留意門將艾比亞迪，嗰場佢救咗好多次必入波，教練阿里基嘅部署真係有料到！

伊巴羅賓奴突擊煞食

進攻方面，AC偶有嘅突擊亦非常入肉，伊巴謙莫域狀態弗，首回合入唔到波只係唔夠運，佢嘅好拍檔羅賓奴喺上場聯賽已經翻生，今晚絕對有能力喺魯營入波。有統計AC如果派羅賓奴同伊巴謙莫域一齊做正選，不敗率高達九成！咁即係今晚除咗入球大之外，「讓球客勝」亦有機。


另外，令我最感意外係連柏圖都有份喺今晚大軍名單，佢於分組賽曾閃電爆破巴塞防線，擺明唔踢得都嚇吓巴塞。傳聞伊巴謙莫域同柏圖有牙齒印，下季兩個只能活一個喎！但正面去睇，有競爭先會令球隊進步，今晚我會為AC落力打氣o架！

Wendy推介：巴塞隆拿 Vs AC米蘭 入球大