畢爾包火力大解放

猪拉多纳

08/04/2012
文： SAMVO肥叔

西甲球隊威盡今屆兩大歐洲賽，皇馬同巴塞打入歐聯四強算係正路，較令人意外係歐霸盃四強，西班牙兵團竟然佔三席，特別係畢爾包曾「雙殺」曼聯，令人刮目相看，呢支巴斯克地區球隊踢法悅目，侵略性十足，可以話係一支「迷你巴塞」，畢爾包今晚主場對狀態回勇嘅西維爾，應會互相駁火，要入球大。（now 632周一凌晨零時直播）

一講西甲，好多人淨係留意皇馬同巴塞，但呢兩大勁旅超晒班，捧佢哋場，好多時賠率都冇肉食，所以玩西甲，應盡量向其他球隊埋手。畢爾包係肥叔比較喜歡嘅球隊，佢哋踢法同皇馬及巴塞一樣咁進取，例如歐霸盃十六強對住名氣極響嘅曼聯，都毫無懼色，採取主攻，效果亦非常好。


馬略卡「小島」起義


畢爾包打入歐霸盃四強之後，信心肯定進一步提升，尤其係主場表現一向出色，今季聯賽試過同巴塞打和二比二，對住西維爾，預料會更進取爭勝。西維爾三連勝共入九球，氣勢凌人，作客亦唔會縮，大盤屬首選。

另一場西甲，馬略卡主場對CF格蘭納達，馬略卡連續兩場輸畀強隊後，係時候發揮「小島威力」，贏到作客不濟嘅CF格蘭納達。英超大戰，阿仙奴主場對曼城，曼城已被曼聯甩開，爭標機會名存實亡，士氣大受削減，兵工廠要爭季軍，直接參加下屆歐聯分組賽，鬥心夠強，平手盤要阿仙奴。


肥叔心水


昆士柏流浪 下盤、大
馬略卡 上盤

阿仙奴 平手盤

畢爾包 大