皇馬射爆蝙蝠

猪拉多纳

08/04/2012
文： 法達斯維

皇馬聯賽入咗100球喇！呢支西甲榜首球隊今季勢如破竹，全賴C朗拿度、希古恩、賓施馬三支火槍，今晚「大」戰華倫西亞，勢必令「蝙蝠」遍體鱗傷，1.8倍大咪錯過。（now 632周一凌晨3時30分直播）

之前兩季皇馬都入到102球，但依家佢哋只打咗三十場，就有一百個士哥，仲有成八場波要踢，打破球會舊紀錄係時間問題。事實上，皇馬火力咁驚人，同C朗、希古恩、賓施馬經常三箭齊發不無關係。

由於打單箭頭戰術，教練莫連奴曾讓希古恩、賓施馬輪流上陣，但當翼鋒迪馬利亞因傷缺陣後，莫帥決定將賓施馬移至邊路，與C朗、希古恩組成三叉戟，卻收到奇效。計晒所有賽事，三人至今已取得101球，其中C朗入咗49球，數據都幾恐怖。


華倫西亞踢歐霸兵疲


上周中歐聯，莫連奴特別收起賓施馬、奧斯爾等主力，擺明留力砌今仗。相反，華倫西亞於歐霸全力出擊，匆匆再戰難免有疲態。不過，排第四、五的馬拉加同利雲特窮追猛打，令華倫個「小三」地位開始動搖，今場未必坐以待斃，更有利皇馬進攻，中位數調至3.5球都照捧大