紅魔勒住玩細啱數

猪拉多纳

08/04/2012
文： 郭球奇

趁爭標對手曼城今晚惡戰阿仙奴，曼聯周日喺英超主場對昆士柏流浪，可謂擴大領先優勢嘅好機會，但考慮到嚟緊復活節賽程緊密，紅魔隨時a勒住，再睇QPR繼續有射手施斯停賽可能死火，兩隊近年喺奧脫福交手入波亦唔多，呢場入球大細中位數設喺3.5球，球奇寧捧1.68倍入球細！（有線200及300周日晚8:30直播）


曼聯 Vs 昆士柏流浪


自從歐霸盃出局後，曼聯專心打英超立即取得3連勝，暫時拋甩曼城多達5分，爭標之路可謂愈嚟愈平坦。今周對QPR前，領隊費格遜仲收到好消息，就係足踝受傷缺陣5場嘅翼鋒拿尼已經復操，可以擔當大勇翼鋒路爾斯華倫西亞嘅後備，加上客串防守中場嘅菲爾鍾斯續有出色表現，後防又有愈戰愈勇嘅門將迪基亞把關，試問喺奧脫福出擊又點會甩拖？曼聯唯一令球奇擔心嘅係，嚟緊復活節假期要喺8日內應付3場賽事，所以預期紅魔今場喺穩操勝券後，會以控球在腳為主等完場。


QPR射手施斯停賽


對家QPR近排表現神勇，喺主場連贏利物浦同阿仙奴兩大勁旅，大大紓緩護級壓力，但今晚領隊曉士帶隊倒戈，相信好難再Keep住咁好表現，畢竟QPR客途表現一向唔多好，最慘係射手施斯又繼續停賽。啱啱傷愈嘅前鋒杜迪利甘保，賽前話已經準備好入波，有信心幫QPR護到級，但老實講佢係咩質素大家心照。睇番往績，QPR史上作客曼聯只贏過1次，近6次都未贏過，當中有4場仲要食蛋，但兩隊總入球都未試過突破3球。考慮到曼聯今場有留力需要，昆士柏鋒力又一般，球奇覺得兩隊再夾埋做「細」界機會真係幾高！


曼聯近6次主場對QPR交投淡靜


日期 戰果
08/11/11 主勝 昆士柏1:0
95/12/30 主勝 昆士柏2:1

95/03/12 主勝 昆士柏2:0

94/08/20 主勝 昆士柏2:0

93/10/30 主勝 昆士柏2:1

92/09/26 主和 昆士柏0:0