紐卡素保頓做大騷

猪拉多纳

09/04/2012
文： 查理阿蛋

英超形勢峰迴路轉，榜首榜尾都競爭激烈！就好似今晚喺主場迎戰保頓嘅紐卡素，近排突然復勇，憑新兵柏比斯施斯嘅超水準演出，唔經唔覺已經連贏4場，分分鐘搶埋第4位，連來屆歐聯都有得打；至於暫時脫離咗降班區嘅保頓，近期火力亦有所提升，兩邊都有入球保證，玩1.65倍「入球大」最划算！（有線204及304台周一晚10：00直播）


講到英超今季最搶眼嘅冬季收購，相信10個球迷有9個都會揀「喜鵲」新9號柏比斯施斯！呢部「入球機器」為紐卡素上陣8次已經攻入9球，其中有7球係近4場射入，幾乎一有機會就可以轉化做士哥，連隊友丹尼森遜都忍唔住大讚佢似足紐卡素嘅傳奇射手高爾！有「CCC」拍住同鄉丹巴巴亞一齊強攻場均失2.03球嘅保頓，「新城堡」（Newcastle）今次要數胡又有幾難？

「CCC」4場入7球

雖然保頓每次作客強隊都凶多吉少，不過小妹唔敢推介「讓主」，係因為保頓呢輪入球能力有改善，近4場聯賽總共攻入7球，而且梅姆巴病情漸漸好轉，的確對隊波起咗重大激勵作用，奇雲戴維斯近排狀態亦都唔錯，小妹絕對睇好佢哋有力同「喜鵲」一拚，做場大騷送畀球迷！