巴塞撲菲再擦私房菜

猪拉多纳

10/04/2012

大家記得美斯幾時被封為球王接班人？就係07年西班牙盃於魯營屠殺基達菲五比二之役，當時美斯複製一個扭六個嘅神級入波，至今仍為人津津樂道。今輪巴塞於主場再遇基達菲，誓報回首循環作客負0比1之仇，大擦呢隊「私房菜」，讓兩球都照捧「讓球主勝」。（now 632周三凌晨3時直播）


皇馬剛告失分，最大得益者當然係巴塞啦，彼此由相距十分縮減到四分，令西甲爭標形勢懸念重現，依家巴塞士氣高昂，雖然右閘丹尼爾或因傷缺陣，但單係美斯在聯賽九連勝中，獨取十五個士哥，唔係有幾多隊抵擋得住，佢隨時重演五年前「千里走單騎」好戲。

基達菲上岸唔會搏

巴塞教練哥迪奧拿上仗收起沙維、恩尼斯達同布斯基斯，雖然贏4比1，但演出受到批評，因領先2比1是維持至完場前才拉開紀錄，並未顯示勁旅本色。預料今日主場，教練哥迪奧拿會順應民意，出較強陣容。基達菲已夠分上岸，唔會同你癲，何況佢哋去親魯營都腳軟，近六次造訪輸四次，呢場都係等炒格，必選「讓球主勝」，可吼埋中位數3.5球嘅入球大。