雷丁形勢大好唔冒進

猪拉多纳

10/04/2012
文： ComboKing

今晚英冠又有兩場好嘢，白禮頓主場鬥雷丁吼「半場和」。兩班波都四平八穩，不屬「神經刀」類型，踢法極具戰術性；白禮頓主場鬥勁旅一向以穩行先，近期鬥米堡、卡城、李斯特城、修咸頓，甚至於盃賽對紐卡素都開半場和，今場點可以唔追！


（周三凌晨2時45分開賽）


白禮頓目前排第七，仲有機會爭入前六打升班附加賽。呢班波出名韌，擅用堅固防守抵抗強敵，佢哋鍾意以慢打快，喺自己地頭用波能力不俗，周時令勁旅好頭痛。上述五場賽事，半場都開○比○，證明白軍好守得，今仗會續用相同戰術對付強敵。雷丁氣勢如虹，但佢哋非以強大攻力見長，呢班波亦係穩陣派；而雷丁依家升班形勢大好亦唔會冒進，揀半場和。

樸茨茅夫「大」走米禾爾

另一仗樸茨茅夫主場對米禾爾，樸茅護級形勢惡劣，主場必攻；米軍近期鬥同級球隊入得失得，捧大。瑞典超阿維達貝治主場對加費萊，客軍開咧後守得穩，作客可保不敗。