沙蘭迪放棄自由盃寧玩細

猪拉多纳

10/04/2012
文： 九叔

阿甲排緊第2，南美自由盃就算剩低兩場全勝都未必出到線，你估沙蘭迪兵工廠會點揀？梗係放棄自由盃啦！所以今日佢哋响自由盃D組作客對FC薩莫拿，咪使旨意沙蘭迪會搏老命，玩1.62倍入球細啦。（開賽時間：周三早上7：45）


响阿甲5連勝進佔第2位、只係落後小保加2分嘅沙蘭迪，依家畀當地傳媒吹到係爭霸分子，雖然連射手佐治奧迪斯都走出嚟降溫減壓，話佢哋完全冇諗過稱霸阿甲，只求逐場踢好，但係係人都聞到味，呢班波目前嘅作戰重心，已經轉晒去阿甲度。


咁又難怪嘅，沙蘭迪响自由盃D組以3分排第3，就算剩低兩場贏晒有9分，都未必過到手執7分排第2嘅小保加，事關後者响小組謝幕戰，就係對住沙蘭迪今日嘅對手——D組魚腩FC薩莫拿，攞多3分唔難。既然係咁，沙蘭迪又點會响自由盃嘥Gas先？

FC薩莫拿主場硬淨

正因為咁，星期日就飛咗去委內瑞拉備戰聽朝場波嘅沙蘭迪，未必會出夫添，譬如剛啱膝傷好番嘅後衞艾斯基盧比斯、肌肉發炎嘅中場卡邦尼奧都唔多似會冒險落場，咁啱FC薩莫拿主場夠硬淨，對住小組「一哥」富明尼斯都只係輸0：1，更加0：0和過小保加，迎戰無心於此嘅沙蘭迪，輸都唔慌大鑊，博細好合理。