|
|
11/04/2012
文： 巨高
意甲榜首祖雲達斯主場大戰「三哥」拉素，祖記近期成為意大利見報率最高球隊，除因有機會以聯賽不敗佳績奪冠外，最近更成功簽署一份大額贊助合同。有大量資金流入令球隊上下極度亢奮，憑着高昂士氣及利好消息所刺激，今場好有機會大勝拉素，「讓球主勝」近2倍值捧。
（now 633及660周四凌晨2時45分直播）
祖雲達斯最近同汽車品牌Jeep達成協議，後者將以大約三億五千萬港元作為來季球隊胸口贊助商。有玩車嘅中產人士都知Jeep係佳士拿旗下品牌，而祖雲達斯母公司快意車廠，就係現今佳士拿最大股東。某程度上今次係快意車廠兜個圈科水畀祖記，以進一步推高球隊喺暑期轉會市場購買力。
唔好忘記，如果祖記順利贏得聯賽冠軍有得玩下屆歐聯，對於品牌推廣必有更佳效果，既然祖記係快意車廠旗下最高效宣傳大使，今場又點可以失分畀拉素呢？
拉素三線缺主力
論近況祖記亦好惡，前仗主場大勝拿玻里三比○後，上次作客「傻豹」巴勒莫，外圍盤口祖記竟然讓到球半，但依然輕勝二比○贏波贏盤，證明祖記為爭標非常正氣，讓幾多都冇有怕。
拉素雖然係「三哥」，但歇冬後作客唔多掂，前仗作客榜下游帕爾馬輸一比三，但上仗返主場對強敵拿玻里就贏番三比一，證明主客表現反差好大，加上前鋒高路斯、中場靴蘭尼斯及中堅安德里戴亞斯都受傷缺陣，今晚作客祖記唔多樂觀。
8戰不敗細率高
祖記近八次聯賽對拉素未輸過，取得六勝二和，包括首循環作客贏1比0。拉素最近一次擊敗祖記已經係08/09球季意大利盃。而自07/08球季大演5比2入球騷後，雙方近七次聯賽對賽形勢都算保守，開出六細一大。
祖記近8次聯賽對拉素往績
球季 戰果（半場）
11/12 客勝1：0（1：0）
10/11 客勝1：0（0：0）
主勝2：1（1：1）
09/10 主和1：1（0：0）
客勝2：0（2：0）
08/09 主勝2：0（1：0）
客和1：1（1：1）
07/08 主勝5：2（4：0） |
|
金睛卡
发表于 2012-4-11 10:50
变色卡
显身卡