卡爾斯魯厄受讓贏面高

猪拉多纳

15/04/2012
文： ComboKing

德乙進入大直路，護級形勢仍然緊湊，深受降班危機威脅嘅卡爾斯魯厄今晚作客恩高斯達特，卡軍踏入四月後，已經全面發力搶分，表現有板有眼，而且主隊跌Watt，相信卡爾斯魯厄今場會有分落袋，有得受讓，「讓球客勝」穩陣。（周日晚7時30分開賽）


卡爾斯魯厄近三仗搶到七分，主因係防守大為改善，三場都冇失球。事實上，來到目前境地，攞得一分得一分，卡軍先做好防守，以不敗為前提，力求每場都有分落袋，策略正確，今仗面對實力相若嘅恩高斯達特，可以坐和望贏。

恩高斯達特勝率低

恩高斯達特話就話歇冬之後十一場聯賽不敗，但其實只贏過三場，勝出率咁低，根本冇本錢讓波。而且佢哋近期防線亦唔穩，上次主場對另一支護級球隊亞琛，竟然失咗三球，最終靠補時入波，先至勉強逼和，今仗對卡爾斯魯厄，未必可以再咁好彩。


另一場德乙柏達邦主場對科特布斯，主隊仲有機會爭奪升班附加賽席位，而且上仗剛打破連續五場不勝困局，士氣返晒嚟，可以再下一城。最後波琴主場對1860慕尼黑，波琴明顯等緊收咧，近八場只得二和六負，今場仲要讓波，梗係要1860「讓球客勝」。