皇馬歐聯殺仁夜

猪拉多纳

17/04/2012
文： 法達斯維

歐聯四強首回合大戰爆發，頭炮於德國安聯球場打響，拜仁慕尼黑擺下擂台迎戰皇家馬德里。兩軍實力不相伯仲，首回合難免會踢得謹慎，尤其係拜仁，盡量唔想於主場失波，綁手綁腳下反而影響發揮，讓唔起「超級戰艦」皇馬，「讓球客勝」不容錯過。（有線61及201台周三凌晨2時45分直播）


雖然拜仁已放棄聯賽，上仗對緬恩斯更冇讓拿姆、列貝利、卻奧斯、路爾斯古斯達禾同馬里奧高美斯打正選，擺明養精蓄銳備戰歐聯，表面上比皇馬佔優。不過，唔代表拜仁夠砌，特別係中場舒韋恩史迪加養傷多時，復出後仍未操起狀態，而早前對多蒙特連番失機的洛賓，信心跌落谷底，兩人表現之好壞，對拜仁舉足輕重，但能否迅速回勇頓成疑問。

莫連奴有保證

畢竟今仗只係首回合，兩隊都唔想輸波，但拜仁教練軒歷基斯過於保守的風格，或令主隊踢得綁手綁腳，更不利佢哋發揮。


相反，皇馬主帥莫連奴擅於應付淘汰賽，作客以穩為先唔焗攻，希望偷雞取得作客入球的策略依然有效。


另外，皇馬有「天使之翼」迪馬利亞復出，加強球隊反擊威脅，加上天王C朗拿度射到着晒火，呢場唔赦拜仁，「讓球客勝」有１.52倍非常值博。