賓尼耶斯復仇伊蒂哈德

猪拉多纳

17/04/2012
文： 蘇豪

亞冠盃是日直播賽事由日職升班馬FC東京主場鬥中超代表FC北京（now 671周二晚6時30分直播），好睇唔好賭。今次轉轉口味提供西亞區賽事，B組阿聯酋球隊賓尼耶斯擁有西班牙名將耶斯迪，主場出擊頂得住沙特阿拉伯勁旅伊蒂哈德，蘇豪要受讓嘅「讓球主勝」！　　　（周二晚11時05分開賽）


阿聯酋球隊賓尼耶斯名氣唔算大，今年重金禮聘前畢爾包名將耶斯迪征戰亞冠盃，即時星味大增。有留意西甲嘅朋友都知，耶斯迪隻黃金左腳相當射得傳得，加盟後令球隊升晒呢，賓尼耶斯仲有阿根廷名帥卡達朗領軍，佢教過沙特阿拉伯及阿曼等國家隊，熟晒伊蒂哈德班球員，早前分組賽作客伊蒂哈德只係輸個十二碼，今次主場受讓值得一試！

希拉爾炒「比」你睇

再睇D組賽事，沙特阿拉伯大軍希拉爾主場對阿聯酋球隊艾沙比阿拉比，希拉爾擁有南韓著名賭球前鋒柳秉秀，呢位哥仔曾捲入南韓球壇賭球風波，上年出走中東避風頭，佢嗰招落葉射罰球名震韓職，曾幾何時被封為「南韓C朗」，依家喺中東好食好住可專心踢波。艾沙比阿拉比作客柏斯波利斯曾大敗一比六，非常水皮，一於要希拉爾「讓球主勝」！