慕遜加柏等收多蒙特厚禮

猪拉多纳

21/04/2012
文： 自由恒

德甲冠軍有機會今晚誕生，領先拜仁8分嘅多蒙特，只要喺今晚主場擊退慕遜加柏，就可以提早兩周衞冕，理論上幾正面，之不過拜仁喺早場失分畀雲達不來梅的話，多蒙特其實輸都提早封王，所以今戰其實冇之前幾場咁抵博。當然贏完波再開Party固然可喜，但並唔值得因此而加分，倒不如博仲要搶分爭取歐聯入場券嘅慕遜加柏好過，2.95倍「讓球客勝」夠晒冷味。（有線61、64、201及204周日凌晨0:30直播）

「蜜蜂兵團」隨時輸都封王

睇番德國《踢球者》嘅預計陣容，預計早場出擊嘅拜仁會大變陣，長坐冷板嘅尼斯彼德臣同埋宇佐美貴史都有機會正選出戰不來梅，就知佢哋唔相信有奇迹出現，已經徹底放棄聯賽，難怪睇住嚟食嘅多蒙特，奪標賠率只得1.00倍，證明封王已經毫無懸念。還記得上季同期，「蜜蜂兵團」硬撼當時要護級嘅慕遜加柏，居然3分盡失，有人認為係多蒙特送份厚禮畀同區球隊，如果你相信陰謀論的話，今場就更加要捧慕遜加柏場。