AC米蘭「主勝」趁「熱」食

猪拉多纳

25/04/2012
文： 吉拿甸奴

AC米蘭上季勁蝕6,700萬歐元（約6.8億港元），而且係意甲薪酬支出最高球隊，依家佢哋落後祖雲達斯3分，再唔發力想贏冠軍都難，加上陣中大把球員等住續約，餘下每一戰都等於生死戰。今晚「紅黑兵團」喺意甲主場對徘徊降班邊緣嘅熱拿亞，1.59倍「讓球主勝」不妨趁「熱」食。（now633及660台周四凌晨0：00直播）


現時AC落後榜首嘅祖記3分，形勢上再冇失分空間。最近「紅黑兵團」公布上季虧損高達6,700萬歐元，當中最主要原因係球員薪酬過高，依家佢哋每年要用1.6億歐元出波糧，淨係射手伊巴謙莫域除稅後年薪加獎金就達到1,200萬歐元，唔攞冠軍肯定會大清洗。

熱拿亞上場慘敗又換教頭

其實最近AC已有卡斯辛奴復出，後衞邦利拿停賽問題唔大，何況熱拿亞前幾日主場出擊被擁躉柴台，最終以1：4慘負錫耶納，近12場聯賽得6和6負士氣直插谷底，教練馬利辛尼隨即被炒，要搵番舊帥迪簡尼奧領軍，就算熱拿亞球員能夠克服畀球迷唾棄嘅心情，想反彈都有心無力啦！