布拉加必劏奧漢倫斯

猪拉多纳

27/04/2012
文： ComboKing

葡超第三勢力布拉加，本周聯賽將會喺主場對奧漢倫斯。睇番現今形勢，布拉加要爭聯賽冠軍都係窄窄哋，但唔代表可以提早放暑假，因為佢哋仍要搶分保住個來屆歐聯外圍賽資格，對手奧漢倫斯欠爭勝推動力，相信布拉加可大捷，「讓球主勝」要捧場。（周六凌晨3時15分開賽）


布拉加連續三場失分，主要原因係當中遇到級數高一截嘅賓菲加及波圖，今次回師主場比賽，而且奧漢倫斯實力一般，相信可以輕取對手。其實士砵亭都對積分榜前三位虎視眈眈，布拉加稍有差池隨時會被趕過，所以今場對奧漢倫斯可謂不容有失。實在奧漢倫斯近五次對布拉加都輸波，明顯畀布拉加剋住，客隊今場都係凶多吉少，「讓球主勝」值得留意。

希爾星堡主場得「米」

瑞典超方面，希爾星堡主場對米贊比可捧主W。希爾星堡話晒都係上季聯賽盟主，從來都冇擔心過佢哋嘅實力，今場遇弱三分手到拿來。最後揀場阿甲秋，拉魯斯主場對競賽會，主隊下周中要出戰自由盃十六強，聯賽未必會去到盡，形勢益咗競賽會，拖埋客W。