馬賽冇鬥心自投「羅」網

猪拉多纳

27/04/2012
文： 力奇

法甲老牌勁旅馬賽早排贏咗個聯賽盃冠軍，基本上已經完成咗今季任務。目前喺聯賽榜排第10位嘅佢哋，高不成、低不就，啱啱仲畀主將阿休提早收咧做肩部手術，擺明餘下5輪都無心戀戰。今晚馬賽作客要搶分護級嘅羅連安特，淨係輸鬥志都輸死，主隊讓平半唔算多，上盤值得支持！（開賽時間：周六凌晨3：00）

羅連安特仲要搶分護級

打緊風流波嘅馬賽，家陣軍心散漫在所難免，事實上，佢哋喺法甲已經連續12場未贏過，狀態衰到貼地，就算打真軍都捧唔過啦！更恐怖係，佢哋近排連進攻重心加納國腳阿休都畀佢提早放暑假，做手術治理肩傷。前線冇咗阿休「發辦」，創造力進一步下降，想反彈自然難上加難。力奇仲八到，近排連主帥迪甘斯都好似搭緊路過西甲華倫西亞，試問班波仲點會有心搏命？


羅連安特呢邊，目前以33戰得35分排聯賽榜14位，只較護級安全線多2分。球隊為護級唔到佢哋唔搏，加上球隊近3仗主場2勝，今場讓平半，輸半博全認真抵玩。