阿仙奴歐聯過三關 頭炮唔衰得

猪拉多纳

28/04/2012
文： 江忠德

做官嘅無論佢以前政績幾咁出色都好，如果臨收山因為貪腐，就英名盡喪兼遺臭萬年，同樣道理，球隊經過漫長球季而衰收尾嘅話，又點對得住球迷同自己，阿仙奴搏甩髀過三關，今日頭關先喺史篤城地獄主場發威。

快速反擊恰死史篤城

英超依家有得爭下屆歐聯席位嘅球隊當中，以兵工廠形勢最有利，事關紐卡素跟住場場硬仗，熱刺謝晒，車仔就志在爭足總盃同歐聯冠軍。阿仙奴除今場外，仲要對諾域治同西布朗，只要做好本分就篤定做阿三。兵工廠近2場失4分，繼阿迪達之後，又有禾確特收檔，但係呢啲不利消息反而提醒球員要更加集中精神，相信今場佢哋嘅快速反擊會恰住史篤城。


冇錯！曼巿雙雄、車仔同紅軍呢季聯賽未試過喺史篤城主場贏波，但嚟到季尾，史篤城球員仍靠強勁體能支撐嘅踢法明顯力不從心，佢哋隨時因為主攻輕出，畀阿仙奴偷襲得手。