羅馬殘陣搞唔掂拿玻里

猪拉多纳

28/04/2012
文： 力奇

意甲嘅歐聯附加賽同歐霸盃參賽資格競爭激烈，第3到第7位都只係相差5分，今晚第7位嘅羅馬會喺主場迎戰第4位拿玻里，肯定各不相讓，可惜「雌狼」近況低沉，今仗仲有3大主力停賽，平手盤力奇寧願要回勇嘅拿玻里！（廣東體育周日凌晨2：45直播）

3大主將都要坐波監

羅馬今季大換血後表現未達預期，主帥安歷基一直得唔到球迷同部分球員嘅歡心，只係球會堅持唔換帥，搞到內部關係麻麻，更誇張係喺上輪主場不敵費倫天拿賽後，就話有超過200名球迷包圍隊巴抗議，你話班波壓力唔大就假嘅。雖然話急於反彈當交代，不過力奇都擔心佢哋有心無力，射手奧斯華度、中場迪羅斯同拉美拿竟然齊齊停賽，後防線嘅貝迪素、祖安同門將史基倫堡又因傷唔踢得，天殘地缺陣憑乜贏波？

拿玻里力爭歐聯入場券

拿玻里呢邊，仲有機會爭第3博踢下屆歐聯，鬥志肯定格外驚人。佢哋早排經歷3連敗信心唔得，惟近期連o趙萊切同路華拿反彈，狀態好番好多，今仗雖則話佢哋會有箭頭拿維斯缺陣，好彩彭迪夫及時復出，進攻中場咸錫又喺上場打破入球荒，唔難執走3分。