銀河艦隊衝線 西維爾腳軟送分

猪拉多纳

29/04/2012
文： 力奇

只要喺今日早場贏波就有機會西甲提早封王嘅皇家馬德里，喺主場對住早已今非昔比嘅西維爾，恃住超強實力同近年贏晒嘅交手往績，要大勝一場一吐烏氣根本易如反掌，1.52倍「讓球主勝」咪嫌熱，勝在夠穩陣。（now632台、廣東體育周日晚6：00直播）


皇馬上星期喺國家打吡作客勇挫宿敵巴塞，目前聯賽榜領先巴塞7分，又只剩番4場聯賽，如果今晚佢哋砌低西維爾，又撞正巴塞之後輸波，皇馬今晚就可以宣布提早重奪錦標。雖然皇馬啱啱喺歐聯出局一肚烏氣，但佢哋近況其實唔曳，近5戰有4勝1負，唯一敗仗就係歐聯4強首回合作客拜仁臨尾香輸1：2，但今鋪對手只係走晒樣嘅西維爾，根本冇得同拜仁比。

皇馬交手贏晒

銀河艦隊目前只得守將卡維奴一名傷兵，就算話主帥莫連奴打算畀部分主力抖抖，但只要有C朗孭飛就夠殺有餘啦！況且西維爾近年去親馬德里都係送分大使，近23次出訪皇馬就只得2勝1和20負，近9次作客巴拿貝都未贏過。再者，就算喺西維爾主場，近2次交手都係皇馬大炒6：2，擺明係皇馬攞分嘅「私房菜」，今晚要再大勝一場又有幾難？

西維爾兩主力停賽

排第9位嘅西維爾雖然仲要為爭下屆歐霸盃席位而戰，但力奇認為佢哋根本係有心無力，至少近4戰只得1勝1和2負，作客基達菲同畢爾包都輸波，唔通去到巴拿貝會有奇迹咩？最慘係今仗佢哋仲會有中場重心加利美度同次席射手迪摩奴兩大主力停賽，殘陣出擊，想輸少球都難啦！

皇馬西甲大盤王

聯賽主場14勝2和1負，勝率達82%，只有1場無波入。


西甲大盤王，有76%賽事開大。

西維爾交手6連敗

聯賽作客4勝6和7負僅24%勝率。

近6次交手全敗，對上2次均輸2：6。