利物浦留力唔劫富

猪拉多纳

01/05/2012
文： 麥馬拿仁

利物浦聯賽主勝率唔夠三成、足總盃決賽前肯定留力，個W得1.48倍？有冇搞錯！利物浦主場鬥富咸，紅軍主場冇料到，周六仲要同車路士爭標，今場有晒失分理由；既然西布朗、韋根、史篤城都能於晏菲路全身而退，富咸一樣可以，捧「讓球客勝」！（有線300及200台周三凌晨2時45分直播）


踏入2012年，利物浦於聯賽踢到不知所謂，十六場英超僅取十五分，曳過唔少魚腩弱旅；反而於盃賽就好叻仔，有機會成本土盃賽雙冠王，本周六足總盃決賽，毫無疑問係利物浦本季最重要一戰，任領隊杜格利殊點講今仗派強陣出擊，真係傻仔都唔信佢。


紅軍本季聯賽主場戰績為五勝九和三負，勝率不及三成，打和諾域治、史雲斯、布力般流浪、史篤城，輸埋畀韋根同西布朗，晏菲路對利物浦嚟講，係凶地而非福地。

富咸訪晏菲路旺細

老實講富咸係踢緊風流波，而且狀態亦只屬一般，但於主W嚴重低開下，「讓球客勝」同客W值博率就大大提高，加上啱啱畀愛華頓大炒，照理今場會sharp醒番啲。富咸近三次造訪紅軍兩次不敗，三次都開細盤，入球細亦值得留意。