阿積士「大」勝有着「洛」

猪拉多纳

02/05/2012
文： 走肖

捧盃派對預埋你同我！雖然阿積士99.99%攞梗今季荷甲冠軍，但數字上始終未能夠宣布第31次封王，今晚佢哋喺自己地頭對芬洛，點會錯過喺班主場球迷面前騷哥厘好機會？何況阿積士連贏12場着晒火，即使今場入球大細中位數開到3.5球，都要熱捧1.52倍入球大！（now639台周四凌晨2：00直播）

芬洛搶分護級冇得守

日前阿積士作客以2：1擊敗川迪，聯賽剩低兩輪領先次席嘅飛燕諾6分，而且阿積士得失球差係53球，相反飛燕諾係29球，要有蠱惑類奇迹至有得追。不過咁，數字上阿積士仲未可以宣布連續兩年奪得聯賽錦標，撞啱呢場係佢哋今季主場謝幕戰，唔通你覺得阿積士會踢悶波趕客倒米咩？


事實上，阿積士臨近衝線真係贏到開巷，連贏12場之中連曼聯同燕豪芬都都係佢哋手下敗將，而且當中有5場至少攻入4球。唔計附加賽，佢哋喺對上5季最後1場主場聯賽，更加有4次總入球數目最少4球，對手芬洛要搶分護級，形勢上佢哋和都冇着數，唔似會死守，相信會放低包袱同阿積士鬥攻，熱捧1.52倍入球大啱數。