黑池浸阿伯大件事

猪拉多纳

04/05/2012
文： 麥馬拿仁

黑池領隊荷路維崇尚癲喪狂攻足球，兩年前黑池就憑有前冇後，打死罷就精神，爆冷升上英超，今次又想故技重施！英冠升班附加賽準決賽首回合，黑池主場鬥伯明翰，黑池攻力爆棚，關鍵場合絕對唔會縮，伯明翰一樣進攻火力強大，一於吼1.88倍嘅大盤！（now 638周六凌晨2時45分直播）


2009/10年球季，黑池以第六名資格殺入附加賽，以為呢班老虎仔會進退失據，但佢哋就係初生之犢不畏虎，準決賽鬥森林首回合贏二比一，次回合更爆出「其他」波膽贏四比三，去到決賽以為佢哋「手緊」？佢哋睬你都傻，最後贏卡迪夫城三比二，取得英超入場券。黑池領隊荷路維，深信「進攻就是王道」，本季繼續狂攻，主場入波數字僅不及修咸頓，喺自己地頭鬥勁旅如修咸頓、韋斯咸、米杜士堡都開大，對伯明翰就開二比二，今場要追！

伯明翰季尾火力勁

伯明翰去到季尾亦大爆發，馬龍京治、基斯布基等腳風極順，近八戰有六場開大，一共轟入十八球，面對黑池進取踢法，可盡情發揮反擊威力，加上施積傷愈可以復出，預計雙方會踢得開放，捧大最啱！


賽制：準決賽採取主客兩回合制，如兩回合總比數打和，將不計算作客入球優惠，會於次回合法定時間後加時30分鐘，再和則以互射12碼決勝，勝方進身決賽。決賽於中立場溫布萊球場舉行，採取一場過決勝負，法定時間之內打和將加時30分鐘，再和則以互射12碼決勝，勝方可取得來季英超席位。