紅軍拆殘車 冠軍盤抵買

猪拉多纳

05/05/2012
文： 朱楓

溫布萊今晚爆發英格蘭足總盃決賽！利物浦去季勁蝕6.2億，近排佢哋亦放棄聯賽，養精蓄銳鍊車搶盃，撞正藍戰士三線作戰爆晒偈，「冠軍盤」撐2.02倍嘅紅軍！（now671及672台、廣東體育周日凌晨0：15直播）


呢場波嘅焦點當然落喺「雙特」身上，隨住林柏特翻生，家陣佢同謝拉特再次成為孭飛Icon，不過「雙特」喺英格蘭國家隊唔可以共存，今晚正正係鶴臣睇辦嘅好機會！

土炮中場對決 謝四佔優

朱楓就覺得謝拉特牌面稍為高啲喇！點解咁講？事關紅軍自2月尾贏得聯賽盃後，之後喺英超狂派副選出戰，擺明留力打足總盃，最終亦如願成功殺入決賽。為應付呢場大戰，利物浦日前主場對富咸更收起蘇亞雷斯、謝拉特、達寧、加歷查等超過半打主力，養精蓄銳博今鋪。


謝拉特同加歷查賽前就走出嚟，話球會已經有一個聯賽盃冠軍喺手，假如今晚再贏埋英總做雙冠王，絕對可以彌補喺英超嘅遺憾。咁講真，利物浦的確好需要搶盃沖喜吓，事關球會啱啱公布上個財政年度勁蝕4,940萬鎊（約6.2億港元），今晚點都要搶個盃向美國老細交代。

車仔三線作戰 隨時爆偈

車路士三線作戰，結果日前喺英超前4大戰主場不敵紐卡素，家陣休息唔夠3日又打決賽，話唔攰就呃你啦！睇番佢哋上仗對紐卡素，班人明顯因征戰頻繁力不從心，今晚對住孤注一擲搶英總嘅利物浦，唔好話贏，就算想喺法定時間保持不敗都唔易！朱楓覺得今場最佳嘅投X方法係捧利物浦2.02倍奪標盤，咁就唔使驚紅軍喺法定時間贏唔到啦！

橫數千軍

車仔杜奧巴溫布萊殺手

‧近5屆英總3度捧走冠軍。

‧杜奧巴在溫布萊比賽7次入7球。

利物浦近4對賽贏晒

‧今季作客兩對車路士全勝。

‧近4次對車路士全勝僅失1球。

英總決賽賽制

決賽在溫布萊舉行，90分鐘內打成平手需加時決勝負，再和則互射12碼。

猪拉多纳