普多斯基瞓身拯救科隆

猪拉多纳

05/05/2012
文： 阿占

德國今晚上演煞科戰，9場波同時間喺9：30開波，由於冠軍同歐聯資格已經塵埃落定，有線今晚3場直播之一嘅科隆主場迎戰拜仁慕尼黑，相信會係焦點所在。目前排尾三嘅科隆要力爭出戰留級附加賽，戰意唔使懷疑，冷敲4.4倍主勝唔算過分。（有線61及201周六晚9：30直播）


德甲包尾兩隊都冇得留低，尾3就會同德乙季軍踢兩回合附加賽，定出來季最後一個德甲席位。科隆現時暫列尾3，比尾2嘅哈化柏林多兩分，就算和波都好大機會保住附加賽資格，但穩陣計點都係以贏波攞3分為目標，決心肯定好過篤定做「二哥」嘅拜仁。

轉會在即唔想臨尾香

科隆日前公布「王子」普多斯基下季會過檔阿仙奴，呢位德國國腳今季雖屈就喺護級分子，但仍然射入18球，暫列射手榜第4位，梗係唔想一話走就睇住呢間家鄉球會降班啦！普多斯基上周打破4場入球荒，今晚仲要倒戈拜仁，自然會加多兩錢肉緊，務求今戰唔會係最後一次為科隆上陣。


對手拜仁實力強大係人都知，但佢哋已經將注意力放晒喺德國盃同歐聯兩場決賽，想做「雙盃王」，為咗唔想有乜冬瓜豆腐，班球星落到場都只會寓賽於操，點會同科隆搵命博！季尾階段梗係捧戰意高嗰隊啦！


頂占筍盤：科隆（主勝）


有線球彩台主持阿占

電郵：soccer64@cabletv.com.hk

PHONE波熱線：1831 678

「超級星期六」開放時間：周六晚9：00至11：59