保頓昆士柏贏鬥志

猪拉多纳

06/05/2012
文： 黃興桂

人係萬物之靈，思想亦唔似得其他大自然生物咁單純。就以現今足球為例，除咗有爭冠軍之後，部分球隊仍會為歐洲賽資格及護級而繼續戰鬥，令到整個聯賽競爭更為激烈，更加有娛樂性。就好似今晚七場英超賽事，當中有幾場都有搶分必要，球迷們自然睇得開心又興奮啦！

夏帥專注教熱刺就掂

古有小說叫七俠五義，而今晚英超可以用七俠五「不易」嚟形容。其中一場搶分大戰為阿士東維拉主場對熱刺，Peter就鍾意客隊。維拉近期衰到貼地，對任何一支球隊都冇把握贏波，今場繼續睇淡。相反熱刺領隊夏利列納冇得做英軍主帥，可專心為熱刺爭取好成績，今場有權取勝。


至於保頓主場對到西布朗，西布朗領隊鶴臣個心已經飛咗去英格蘭國家隊，仲邊度有心機為西布朗打拚。至於保頓就要搶分護級，今場勝負取決於鬥志，保頓有埋主場之利，大有機會搶3分。


另外昆士柏流浪主場對史篤城，早前史篤城曾經表示季尾階段仍會全力以赴做到最好，但近期演出係點，相信唔使Peter多講。史篤城鬥志出現疑點，昆士柏流浪搏緊命一定攻到尾，Peter睇好佢哋。


金句：英超賽事，開鑼鬥到煞科，榜首榜末爭持都咁激烈