巴勒莫基爾禾攜手做「細」界

猪拉多纳

06/05/2012
文： 翁文成

巴勒莫今季戰績唔多掂，最近仲跌入護級漩渦，但查實「傻豹」今晚拎1分已經完成任務，對住踢法勁守勢嘅基爾禾唔慌多波入，呢場波冇理由唔追1.78倍細。（開賽時間：周日晚9：00）


{P:「傻豹」死守搶1分夠護級


睇番意甲積分榜，未計尋晚萊切對費倫場波，巴勒莫領先緊萊切6分，聯賽剩番兩輪，意味住「傻豹」拎1分就可以宣布護級成功，老實講今場波冇必要去盡。況且隊長米高利今季一直炮轟隊友冇鬥心，仲爆響口想季尾鬆人，仲會唔會咁搏命係一大疑問。


咪以為對家基爾禾踢風流波就踢得放，查實呢支球隊今季堪稱「至尊悶蛋」，前線永遠得射手柏利斯亞衝衝衝，後面就屯重兵玩死守，呢個係球隊連續5場波都食白果嘅主因。波係入唔到，幸好法蘭斯高阿沙比為首嘅防線今季演出優異，巴勒莫憑咩撕破基爾禾條防線先？基爾禾守強過攻，對上5場波全開細，今鋪無謂作對，追口細最明智。