艾夫斯堡齊腳極速反彈

猪拉多纳

由於瑞超踢埋下星期之後，就讓路成個月畀歐國盃，所以近期差唔多多晚晚都有比賽，今晚就有兩場瑞超進行，「一哥」艾夫斯堡會作客辛斯華爾。艾夫斯堡為喺歇暑前打好奪標基礎，唔會放過搶3分機會，少讓平半上盤值博！（開賽時間：周二凌晨1:00）

艾夫斯堡今季弗到漏油，雖然日前喺榜首大戰作客以0:1不敵馬模，但賽後仍以8勝2負成績暫列首位。今晚作客辛斯華爾，朱楓睇好艾夫斯堡可以極速反彈，事關佢哋有中堅佐真遜胃病痊愈復出，相當齊人，要小勝攞3分睇落唔難。
辛斯華爾兵源少踢到殘

今季新升班嘅辛斯華爾，經歷3場不勝兼零入球後，上場作客以2:1擊敗加爾斯，但對手只係今季降班大熱，辛斯華爾贏波其實根本無乜大不了。由於今夏將舉行歐國盃，瑞超近期基本上係一周兩賽，辛斯華爾畢竟兵源唔多，球員近仗明顯出現疲態，今晚對住人腳充裕嘅艾夫斯堡，真係唔係咁易捱到全場。