歐國盃：金鷹復活多得Fans喪插

猪拉多纳

球迷嘅力量有幾大？睇吓之前嘅波蘭戰衣風波就一清二楚！話說波蘭件白色新主場戰衣早喺上年11月已經搞過發布會，點知因為胸前新國家隊隊徽無咗「戴XX嘅金鷹」，波蘭人民認為等同無咗國家精神，有啲球迷仲鬧波蘭足總離棄國家添！搞到咁大劑，最後波蘭足總梗係妥協啦，喺重新製造嘅主場戰衣上邊加番隻「戴XX嘅金鷹」。

今次波蘭嘅主、客波衫，都用咗回收塑膠樽做主要物料，每件淨重149克，屬於NIKE生產史上最輕嘅波衫。值得一提嘅，係波蘭主、客戰衣胸前都有一面上白下紅嘅國旗，象徵國家隊球員背負住國民嘅希望。

鳴謝：Kitroom Sports