歐國盃：「籮拔仔」弗爆領軍闖高峰

猪拉多纳

波蘭今屆要有好成績，羅拔利雲度夫斯基係最重要嘅棋子！雖然佢依家得23歲，但國際賽經驗超過3年，我記得佢08年第1次上陣就即刻入波，當時佢踢緊列治普斯納，我係教練，以佢1米84嘅身形同出色嘅腳下功夫，我一早睇好佢絕非池中物，依家證明我冇睇錯啦！

「籮拔仔」2010年加盟多蒙特，成為咗佢一生中最重要、最正確嘅決定，今季佢喺德國大放異彩，信心前所未有咁高，以佢咁嘅狀態同信心去踢歐國盃，肯定會有出色表現。我制訂嘅戰術都會以佢為核心。總言之，「籮拔仔」孭飛，波蘭做好戲！