歐國盃：鋒力疲弱左閘變神射手

猪拉多纳

名氣欠奉，球員時代大部分時間効力布拉格斯巴達，02年出任捷克U19教練，09年先接手捷克國家隊，最後成功領軍突破歐國盃外圍賽。

限米煮限飯冇辦法，現時捷克攻擊選擇唔多，我哋喺歐國盃外圍賽阻止唔到西班牙全勝首名出線，面對蘇格蘭、立陶宛甚至列支敦士登表現都唔算好，最後只不過以2分壓倒蘇格蘭次名出線，跟住喺附加賽兩回合計以3:0淘汰黑山，總算叫做踢得出應有水準，希望復甦唔會太遲啦！

不過你都可能留意到，其實今屆外圍賽我哋嘅所謂首席射手，竟然係利華古遜左閘卡特歷，佢入4球波有3球來自12碼，可想而知，現時我哋捷克喺爭取入球方面真係有需要改進，否則以外圍賽表現，分組賽好難捱。