利尼史特朗主W醒里

猪拉多纳

挪超周五凌晨續演三場，渡邊年最睇好利尼史特朗，主場對阿里辛特贏得。利尼史特朗冰島前鋒施古達臣喺五月六場比賽入咗十一球，加上兩名主力基比及杜恩度巴停賽後今仗復出，實力更為完整。相反阿里辛特有指揮官巴蘭迪斯停賽，影響球隊攻守節奏，渡邊年認為利尼史特朗主W抵玩。（周五凌晨1時開賽）

利尼史特朗現時排第十四位，以佢哋人腳，呢個排名絕對未能反映真正實力，換句話講，球隊有大量上升空間。

事實上，利尼史特朗踏入五月開始爆發，連盃賽踢咗六場，獲四勝一和一負成績，當中入十七球失六球，其中冰島國腳施古達臣腳風大順，十七個士哥佔咗十一球，淨係佢一個都令阿里辛特後防風聲鶴唳，再加上兩名主力復出，實力更上一層樓。
阿里辛特半隊主力缺陣

聯賽作客仲未開齋嘅阿里辛特，今仗仍然受到嚴重傷停問題困擾，有近半隊主力唔出得，令原本板櫈深度不足嘅問題進一步惡化，相信今仗好難惡得出樣，利尼史特朗因排名低令賠率高開，1.88倍主W超值。