荷蘭誓炒北愛壯行色

猪拉多纳

荷蘭出戰決賽周前最後一場熱身賽於主場迎戰北愛爾蘭，荷蘭近期表現漸入佳境，面對只係陪太子讀書嘅北愛應可大勝一場壯行色，捧「讓球主勝」。

（now 632周日凌晨2時直播）

荷蘭上周末熱身賽對保加利亞先勝後敗，表現遭受外界抨擊，領隊雲馬維克上場對斯洛伐克即變陣出擊，後防以保馬代替受傷嘅馬菲臣夥拍希汀加，另外起用今季於士砵亭偶有客串左閘嘅舒赫斯踢正選，前線則收起亨特拉爾，以尹佩斯擔任正中鋒，無論攻守都比對保加利亞時有進步。荷蘭踢埋今場就會正式出發征戰決賽周，相信球隊上下都希望能以一場漂亮勝仗壯聲威。
北愛近8仗7敗

北愛爾蘭對上一場國際賽已經係三月份，今次雖有徵召莊尼伊雲斯、大衞希利等主力，不過球員經過整季比賽，應付呢啲太公波戰意唔慌高，而且北愛對上八場國際賽輸七場，唯一贏波對手只係魚腩法羅群島，實力有幾差大家有眼睇，作客難逃大敗厄運。