俄羅斯望再下一城

猪拉多纳

經過第一輪小組比賽後，又回到A組戰線。先出場有希臘對捷克，揭幕戰的希臘，下半場確實踢了一場好波，打出自己的穩守突擊風格，只可惜隊長加拉高尼斯射失十二碼，否則隨時全取三分。捷克就比較慘情，即使有鋼門施治仍然要失四球，人腳調動有限，看看今場教練比歷克還有哪招殺着。
迪沙高耶夫有料到

尾場波蘭對俄羅斯應該會鬥得更加刺激，主辦國波蘭今場雖有門將施捷斯尼停賽，但後備門將泰頓一換入即救出十二碼，應該打起了他的信心，而上場被選為最佳球員的羅拔利雲度夫斯基繼續是取分之匙。俄軍上場4:1漂亮一仗中，新星迪沙高耶夫個人梅開二度，相信已受歐洲各大頂級球會垂青和注意！

每晚開波前的食壽司環節，見到晚晚捧錯隊嘅Keyman「享受」一件又一件勁辣壽司，又好玩又好笑。另外每晚有觀星台主持煮愛心消夜，好味之餘又可以醫肚，順帶一提，昨晚已經喺節目上講過，親愛的何生已正式成為我們的「明燈」，究竟明天的死亡B組會否再有爆冷出現？ 等我打電話問下佢先！

英格蘭擁躉李克勤，今屆化身成nowTV歐國盃大使陪你睇足31場大戰！（本欄目每日由克勤口述now TV筆錄，同你大談歐國盃）